كل سنة وانتم طيبين
بقلم عبير سليمان
النهارده انا هاقولكم على فسحة على قد الايد اقصد زيارة شارع المعز لدين الله الفاطمى.
التكلفة هى المواصلات بس بالاضافة الى السندوتشات والعصائر والماء ,رغم ان الشارع مش فى الصحرا يعنى ,لان محلات الفول والفلافل والكشرى على شارع الازهر الرئيسى.
اما لو عندك عربية يبقى التكلفة هتكون فى موقف السيارات اللى قدام دار الافتاء وبعدين شوية مشى صغيرين لحد مسجد الحسين وبعدين اول شارع يمين بعد الصاغة هو شارع المعز.
اول مكان هتدخليه هو مجموعة السلطان قلاوون وهتدفعى فيه التذاكر وخلى بالك ما ترميش التذاكر لانك هتدخلى بيها كل اماكن الزيارات اللى بعد كدة والتذكرة يثلاثة جنيه للفرد ونصف تذكرة للطلبة.
طبعا انا مش هاقولكم على اللى هتشوفوه هناك بس مش هتندموا وما تنسوش طبعا تاخدوا كاميرا لان بطاريات الموبايلات مش هتكفى تصوير.
طبعا الشارع فيه قهاوى ومطعم وحاتى ومطعم سمك وبياعين اكسسوارات وانتيكات وحاجات قديمة
الصور اللى منزلاها هنا دى صور عادية بالنهار مش من النت لان اغلبه تصوير ليلى وبرضه مستنية تعليقاتكم .....مع تحياتى ( ابلة شروق)
مقال رائع وصور معبرة
ردحذفللأسف نحن لانستمتع بتلك الأثار المصرية الأصيلة ...بل والأدهي أن من يستمتعون بها هم الأجانب ......إن شاء الله لي زيارة قادمة لهذا المكان العريق.....................
ردحذففايز الشريف