بقلم : عبير سليمان
النهاردة هاقول لكم على فسحة هايلة فى Family park
والاول طبعا هنوصف مكانها فين .....على طريق السويس فى اتجاه القاهرة هتلاقى على شمالك فندق توليب بتاع القوات المسلحة ...بعد ما تعدى كمين الشرطة خدى اول فتحة للدوران للخلف وامشى على طول اول فتحة يمين بعد الفندق هتلاقى الحديقة.
سعر تذكرة الدخول 35 جنيه
الحديقة فيها جنينة حيوانات وملاهى اطفال وقطار كهربائى والعاب مائية وفيه مبنى
للعلوم تابع لمكتبة اسكندرية وفيها مسرح مفتوح واهم حاجة العرض ال 3d اللى بيبقى بالليل اوعى بفوتك
للعلوم تابع لمكتبة اسكندرية وفيها مسرح مفتوح واهم حاجة العرض ال 3d اللى بيبقى بالليل اوعى بفوتك
اول ما تخشى من الباب هتلاقى على اليمين واقف طفطف هتركبيه علشان تاخدى جولة الاول وتتعرفى على المكان
بعد كدة انتى حددى تبتدى منين لكن لو عايزة نصيحتى خلى حدبقة الحيوانات اخر حاجة علشان الولاد بيشبطوا وما بيرضوش يكملوا الحديقة
كمان الحديقة فيها نماذج للطائرات الحربية والمدافع والدبابات والقوارب البحرية
وحاجات كتير غير المطاعم واكشاك العصير والحاجات الساقعة
اتمنى لكم اجازة سعيدة وياريت تقولولى رأيكم ايه فى الفسحة دى
وفى انتظار تعليقاتكم وطلباتكم ( ابلة شروق)
ليست هناك تعليقات:
إرسال تعليق